कपिलवस्तु । कपिलवस्तु बाणगंगामा रहेको बाणगंगा र गजेहडा भुपु सैनिक खानेपानी संस्थाको अध्यक्षमा पुनः राजेन्द्र विक्रम शाह चयन भएका छन् ।
मंगलबार भएको तेस्रो अधिवेशनले शाहलाई पुनः अध्यक्षमा सर्वसम्मत चयन गरेको हो । नगरको ठूलो खानेपानी संस्थाको रुपमा रहेको भुपुमा झण्डै तीन हजार उपभोक्ता छन् ।
खानेपानी संस्थाको स्थापना कालदेखि नै नेतृत्व गर्दै आएका शाह जिल्लास्तरीय खानेपानी तथा सरसफाई उपभोक्ता समितिको अध्यक्ष समेत हुन् ।
यस्तै भुपु सैनिक खानेपानीको उपाध्यक्षमा झलक मल्ल, सचिवमा कृष्ण बहादुर शाही, कोषाध्यक्षमा राममाया रानासहित १५ सदस्यिय कार्यसमिति चयन गरिएको छ ।